top of page

Saini Julian Savea e ta'alo mo le Moana Pasefika.



Ua mae'a sainia se maliega i le va o le ali'i ta'alo lauiloa sa numera tasi i le Ipu o le lalolagi i le 2015 i le 'au a le All Blacks, o Julian Savea ma le Moana Pasefika e ta'alo ai i le ta'amilosaga o le DHL Super Rugby i le tausaga fou 2024.


O se alo Samoa na ta'alo i le 'au fa'avaomalo a Niu Sila i le tele o tausaga, ma ua fa'amauina ai le o'o atu i le 45 sikoa sa ia mauaina mo le All Blacks.


O le tausaga mulimuli na ta'alo ai Julian Savea i le All Blacks o le 2017 lea na ta'a'alo ai ma le 'au a Aialani ma Peretania ma mafai ai loa ona ia agava'a e ta'alo mo 'au a lona atunu'u ina ua suia tulafono a le lakapi a le lalolagi.


I le sainia ai e Julian o lea feagaiga e ta'alo mo le Moana Pasefika ua talafeauga ma le se'e ane o le faia'oga fou le susuga ia Tana Umaga.


Na ola ma soifua ane i Niu Sila i le laumua o Ueligitone, ua 33 nei tausaga o le soifua ma o se sui tuai a le 'au fa'aitumalo o le Hurricanes. Ua fa'amauina e 60 sikoa ma le 153 ta'aloga na ta'alo ai i ta'amilosaga o le Super Rugby.


O Julian o se alo e fa'asino ia Lina ma Masina Savea o Luatuanu'u, Faleasi'u Uta ma Si'umu ma o le isi ona uso e suafa ia Ardie Savea lea o lo'o ta'alo nei i le 'au a le All Blacks.



210 views

コメント


bottom of page