Sami le 62 tausaga o Samoa i savali a a'oga, fa'alapotopotoga, pisinisi ma Matagaluega.

E ui ina to uaga o le taeao ma faaletonu le tau ae lei taofia ai le faamoemoe e pei ona iai se sauniga e sami ai le atoaga o le 62 tausaga talu ona tutoatasi Samoa mai i Pulega Faakolone.

E tusa o le itula e 4am i le vaveao o le Aso Gafua, ae ua potopoto le atunuu ma ni isi o le au valaaulia i le Malae i Mulinuu le nofoaga sa fa'ataunuuina ai le faamoemoe.

Na taunuu loa le sa o le afioga i le Ao o le Malo o Samoa ia Tuimalealiifano Vaaletoa Sualauvi II, ona aami lea o le susuga i le failotu aua le amataina o le faamoemoe i le sauniga lotu.

O uluai taimi lenei, ua fa'ataunuuina ai lea faamoemoe i le mavae ai o aso e tolu mai i le aso e tatau ona faamanatuina ai le tuto'atasi a le atunuu.

Na aua i lea sauniga o Savali i ni isi o malo faaaloalogi mai fafo e pei ona iai le afioga i le loia sili o Amerika Samoa e fai ma sui o le Teritori.

Na mae'a le malelega a le Ao o le Malo ona sosoo lea ma savali e pei ona ta'ita'ia lea e le failipu a le Matagaluega o leoleo ma fa'asolo ai lea savali i aoga, faalapotopotoga aemaise o Matagaluega taitasi a le tatou malo.

I le saunoga a le afioga i le ao mamalu o le Malo o Samoa, sa momoli ai le fa'afetai i galuega a ta'ita'i o le atunuu aemaise o le faigamalo o loo ua tulai nei i le foe o Samoa.

Na fa'aiu le saunoga a le Ao o le Malo i faamanuiaga mo le malo i tapenaga o le Fono o Taitai o Malo o le Taupulega i le masina o Oketopa.

Silasila i ata na pu'eina:

https://www.facebook.com/permalink.php?story_fbid=pfbid0SwC2y9QEHhRbNYvVeKjrnxjcnk2Fcakj4ij8x3eT7yH9ZeiKC2DmiJrQkUmejhuyl&id=61551377530388