top of page

Sao atu le au Soka a tamaitai Samoa i le Semi Final mo se avanoa i taaloga o le Olimipeka.

Tusia e Lauano Demetrius Ah Mau.



Sa fa’atumulia le malae soka i Tuanaimato i le afiafi o le aso ananafi i le mamalu o le atunu’u lagolago ma le fia maimoa a’o alo le ‘au soka a tama’ita’i Samoa i le la ta’aloga ma le ‘au a Tonga.


O le ta’aloga lenei i le va o Samoa ma Tonga o se ta’aloga sa ave iai le fa’amuamua a le ‘au a Samoa fa’apea le ‘au a Tonga, aua o se ‘au e manumalo mai o le a se’e atu i luga o le semi final.


Na ma’ea lenei ta’aloga ma manumalo ai Samoa i ‘ai e 2 i le le tau ‘ai ai o Tonga, ma na molimauina le finau malosi o alo tama’ita’i o lo’o ta’aalo i le ‘au a le atunu’u i le sailia ma

fa’amautu so latou avanoa mo le semi final.


O le tama’ita’i numera 7 ia Sariah Taeaoali’i mai i le ‘au a Samoa sa filifilia e avea ma tama’ita’i ta’aalo lelei i lea ta’aloga.


O Samoa o lo’o tulaga lua i le fa’atulagaina o togi mai le pulu o lo’o iai po’o Group B, e tolu a latou ta’aloga lea sa ta’aalo muamua ai ma Vanuatu ma manumalo ai, ona malolo lea ia Niusila soso’o ai loa ma le manumalo ia Tonga. O le ‘au a Niu Sila o lo’o tulaga muamua i lea pulu e

tusa ma o latou togi e 9 na maua mai i ta’aloga e tolu sa ta’aalo ai ma e le’o iai se faiaina.


O le aoauli o le aso Faraile o le vaiaso lenei o le ‘a ta’aalo ai Samoa ma le ‘au a Solomona i le semi final, ae o Niu Sila o le ‘a feiloa’i ai ma le ‘au a Fiti.

73 views

Comments


bottom of page