top of page

Siamupini Malisi Sagato Iosefo i le Vodafone Teuila International Sevens 2023.

23 Setema 2023


Picture credit: Marist Saint Joseph Club Facebook


O le asō e lua iai aso o le ta'amilosaga lakapi ta'ito'a fitu o le Vodafone Teuila International Sevens, ma o le aso mulimuli fo'i lenei o lea fa'amoemoe.


Sa sa'ilia e le kalapu lakapi mai Afega (Laumua Tumua Afega) fa'apea le 'au a Malisi Sagato Iosefo se siamupini o lenei tausaga, na fa'ato'ilalo ai e le Malisi Sagato Iosefo le Laumua o Tumua mai Afega i 'ai e 15 i le 12 . O Malisi Sagato Iosefo sa fa'atulaga mai i le pulu B fa'atasi ai ma le 'au ale HJ Keil Vaimoso ma le Barbarians, o le Laumua o Tumua Afega i le pulu C ma Lauli'i Lions fa'apea le Lulumaivini Ulutogia.


O le tausaga na se'i mavae atu nei sa sola ai ma le Tolotolo Tama Uli mai Savai'i le siamupini o lenei ta'amilosaga peita'i ane ua suia e Malisi Sagato Iosefo le siamupini o le tausaga lenei 2023.


O le ali'i o Malaesaili Elato na filifilia e avea ma tama ta'alo o le ta'amilosaga ma o lo'o auai fo'i i totonu o le 'au ta'ito'a fitu a le atunu'u (Manu Samoa 7's training squad).





152 views

Комментарии


bottom of page