top of page

Siamupini Tepatasi i le ta'amilosaga lakapi fa'avaomalo a Malisi mo le ulua'i taimi.

PHOTO SUPPLIED: MARIST ST JOSEPHS SPORT CLUB


O le fa'aiuga o le vaiaso na se'i mavae atu nei sa fa'agasolo ai le ta'amilosaga lakapi ta'ito'a fitu fa'avaomalo a le kalapu lakapi a le Malisi ua taua o le 36th Marist International Sevens i le malae ta'alo o le Apia Park.


Na auai le tele o kalapu lakapi eseese i totonu o le atunu'u e ia 'au i le taulaga fa'apea mai le tau pati mai o kalapu lakapi mai nu'u ma itumalo i tua ae le gata i lea o le tau asa mamao mai o 'au a le motu tele i Savai'i.


O le tausaga fo'i lenei ua le mafai ona auai mai ai 'au mai fafo e aofia ia Fiti, Niu Sila ma Ausetalia ae lei avea lena ma tulaga e taofia ai le fa'agasologa o lenei fa'amoemoe i kalapu lakapi uma i totonu o Samoa lava ia.


O le kalapu lakapi a le Tepatasi sa ta'aalo ma le 'au malosi a le Malisi le Digicel Marist St joseph's e saili ai se siamupini o lenei ta'amilosa i tausaga nei na manumalo Tepatasi i le ma'ea ai o le taimi o lo'o sili a latou 'ai e 17 i le 5 a Malisi.


Ua fa'amauina i le talafa'asolopito o le ta'amilosaga fa'avaomalo lenei a Malisi le siamupini ai o le kalapu lakapi mai Aleipata le Tepatasi i lenei ta'amilosa mo le ulua'i taimi i le lona 36 ai o tausaga talyu ona fa'avae mai le ta'amilosa lenei o le Marist International Sevens.

PHOTO SUPPLIED: MARIST ST JOSEPHS SPORT CLUB

O le ali'i o Pelasio Samuelu o Tepatasi sa filifilia e avea ma tama ta'aalo lelei i le ta'amilosaga atoa (MOST VALUEABLE PLAYER OF THE TOURNAMENT)

Comments


bottom of page