top of page

Siitia tau o le suāu'u mo Novema ona o aafiaga o le taua i le va o Ukraine ma Rusia.

O le fa'aauau ai pea o le taua i le vā o Rusia ma Ukraine, o le mafuaaga lea o le a'afia ai o tau o suāu'u mo le masina o Novema.


Ua faailoa mai e le pepa o faamatala mai i le afioga i le Minisita o Tupe ia Lautimuia Uelese Vā'ai, le siitaga fou ua iai nei tau o suāu'u e amata atu i le Aso 1 Novema 2023.


O le Penisini ua siitia mai i le $3.43 i le $3.52 i le lita, o le tiso ua siitia mai i le $3.68 i le $3.83 ma le Karasini ua siitia mai i le $3.29 i le $3.47 i le lita.


O nei fetuunaiga, o loo mafua mai i le faalapotopotoga o Atunuu o loo Gaosia ma Tufatufaina le suāu'u, ma ua avea ma tulaga ua siitia ai fefaatauaiga o suauu i le lalolagi.


Ua faamauina foi le taugata o le tau o le fefaatauiga o le suāuu i Sigapoa aemaise o tau o va'a o loo felaua'ia.




Comments


bottom of page