top of page

Su'esu'e e Ofisa o Sulufa'iga le tagi a Levi ma Alamutu Saleimoa e fa'asaga i le Faipule o Sagaga 2.



Ua mae'a fa'aulu le tagi a nu'u o Levi ma Alamutu i Saleimoa, i le Ofisa o Sulufa'iga e fa'asaga lea i le faipule o le Itumalo Palota o Sagaga 2 ia Maulolo Tavita Amosa.


O le tagi lenei, na faia ina ua maua i se video le ofoina atu lea e Maulolo o le tupe e $2000 i Leoleo; i le aso sa aga'i atu ai e mata'itu ma tausia le filemu i le va o Afega ma Levi Sale'imoa i le mata'upu o fanua.


Ua fa'amaonia mai nei e le fa'auluuluga mo le taimi nei a le Komisi o Sulufaiga a Samoa ia Maualaivai Pepe Seiuli, o lea ua fa'agasolo su'esu'ega a leoleo i lenei mata'upu.


O le mata'upu lenei, na tula'i mai i le vaiaso tonu o le Aso Sa Pa'epa'e o le fanu i le masina o Oketopa 2023.


O le 'a fa'ailoa mai lava e le Ofisa o Sulufa'iga i Samoa le i'uga o le su'esu'ega ua fa'agasolo nei.


2,128 views

Opmerkingen


bottom of page