top of page

Su'esu'e le mafua'aga o le mu o le falelaupapa i Vaitele i le vaveao o le aso Lulu.



Ua i lima nei o leoleo le suesuega o le mafua'aga o le alia'e mai o le malaia na fa'atama'ia ai le falelaupapa i tua ane o le NPF i Vaitele Tai i le vaveao o le Aso Lulu 4 o Oketopa 2023 pe tusa o le itula e 1am i le vaveao.


O le afi na amata ane i le vaega tonu o lo'o iai le falelaupapa lenei, ma sasao ane ai i luga.


E taunu'u atu le vaega o Tineimu ua malosi le sasao o le afi lenei ma amata ai ona taumafai e fui ina ia tu'uitiitia ma ia aua ai nei a'afia isi fale o lo'o soso'o ane iai.


O le lua vaiaso ua tuana'i na tula'i mai ai ni isi malaia tetele i le fale talavai a le Marias, o le maota o se 'aiga i totonu o le lotoa a le faleaiga o le Sunrise i Togafu'afu'a ma le isi mu na a'afia ai le falea'oga o le a'oga tulagalua a Faleatiu.


O lo'o fautua malosi le Ofisa o Tineimu ina ia mautinoa ona tape vaega uma e alu i le kesi, uila aemaise o le tau tuuitiitia ona susunu o lapisi ona o le mago o lo'o iai laufanua o Samoa.


Comments


bottom of page