top of page

Sui le faigamālō a Fiti ina ua faia'ina Frank Bainimarama i le pālota.

21 Tesema 2022.


Frank Bainimarama & Sitiveni Rabuka

O le afiafi o le aso Lua 20 Tesema 2022 na sainia ai e vaega fa'aupufai e tolu i Fiti se faiga so'ofa'atasi e mafai ai ona latou ausia se vaega to'atele e fa'atuina se faigamalo fou mo le atunu'u.


I le mae'a ai o le faiga palota tele a Fiti i le vaiaso ua te'a na tula'i mai ai le vaega fa'aupufai a le Palemia talu ai o Frank Bainimarama i le tulaga o se vaega fa'aupufai e tele le fuainumera, lea na latou mauaina le 42 pasene po'o le 26 o nofoa o le palemene.


O isi vaega fa'aupufai na soso'o ane ai, o le People Alliance lea e ta'ita'i e le palemia a Fiti sa iai ile tausaga e 1992 o Sitiveni Rabuka i le 21 nofoa na latou maua, o le isi vaega fa'aupufai na maua ia nofoa e 5 o le vaega fa'aupufai o le National Federation, ae o le isi vaega fa'aupufai o le SODELPA lea na maua nofoa e 3.


O vaega fa'aupufai la nei e tolu lea ua fai le latou so'ofatasi ma ua maua ai le fuainumera maualuga e fausia ma fa'atula'i ai loa le faigamalo fou a Fiti.


O le ta'ita'i o le vaega fa'aupufai a le People Alliance o Sitiveni Rabuka lea o le'a avea ma Palemia Fou o le faigamalo.


O Sitiveni Rabuka sa avea muamua fo'i ma Palemia o Fiti i le tausaga e 1992 aga'i atu i le tausaga e 1999.


O le palemia talu ai o Frank Bainimarama, ua 16 nei tausaga o avea ma Palemia o Fiti talu mai lava le tausaga e 2007.


677 views

Comments


bottom of page