top of page

Tāpena Haylani Kuruppu mo le Miss Global i le amataga o le 2024.


Tusia: Demetrius Ah Mau.


O le tama’ita’i o Haylani Kuruppu o lea ua sauni e tauvā i le tauvaga tele o le Moss Global i le lagolago a le Vodafone Samoa.


O lenei tauvaga e agava’a uma iai so’o se tama’ita’i e amata atu ile sefuluvalu aga’i I le tolusefulu lima tausaga (18-35) mai atunu’u ‘eseese uma o le lalolagi.


Na amata fa’atautaia le ulua’i tauvaga I le tausaga e 2013, lea na fa’apaleina ai Emily Kiss mai Kanata

ma maua ai se tama’ita’i muamua ua manumalo I lea tauvaga.


O le tausaga lenei e atoa iai le sefulu tausaga talu ona faia le tauvaga o le Miss Global. O le fa’amoemoega autu o lenei tauvaga o le fa’atauaina o le itupa o tama’ita’i, e le gata I lea o le fa’alauiloaina ma le una’ia o tu ma aganu’u mai atunu’u o tama’ita’i tauva.


Ua filifilia ai nei le tama’ita’i o Haylani e tausinio mo le tauvaga I le tausaga fou. O lē sa avea ma tama’ita’i lalelei o Samoa (Miss Samoa) I le tausaga e 2022-2023, o se taimi muamua lenei ua mafai ona auai atu ai se tama’ita’i Samoa e tauva I le Miss Global.


O le amataga o le tausaga fou i le masina o Ianuari I lona aso 18 o le ‘a fa’ataunu’uina ai le Miss Global i Cambodia i Asia ma e valusefulu tama’ita’i tauva o le ‘a saili ai se siamupini o lenei fo’i tauvaga tele.

199 views

Comentários


bottom of page