Tōfia le Faatonu Sili o le Pulega o Toefuataiga o Tulāfono.

Ua tōfia ma faamaonia e le Kapeneta le susuga ia Fagaloa Leti Setto Roy Tufuga e avea ma Ofisa Sili poo le Fa'atonu Sili o le Pulega o le Toefuataina o Tulāfono.

O le afioga ia Fagaloa, sa avea ma Pule Sili o le Pulega o Uafu i ni isi o tausaga ua te'a.

O se lōia faauuina ua loa tausaga o galue i galuega tau tulafono ma faamasinoga a Samoa.

Sa faauuina mai i le Kolisi o Samoa i le tausaga e 1981, ae na faauu lana faailoga o le Bachelor of Arts mai le Iunivesite o Aukilani i le 1987, o le 1998 na faauuina ai lona faailoga o le Masters in Law International Maritime Law Institute.

E toalima sui na tusi talosaga i lenei tūlaga.