top of page

Tū malosi le afio'aga o Apia e fa'amalosia ana vavao.

23 Ianuari 2023.


Tuiletufuga Fritz

Ua fa'ailoa nei e le Pulenu'u o le Afioaga o Apia ia Tuiletufuga Fritz i sana fa’asalalauga i luga o le WT Media, le fuafuaga a le nu'u o Apia lea ua amata ai ona matuā fa'amalosia a latou vavao.


Ina ua maitauina nei e le nu'u le mamalu o le atunu'u ua fai ma masani le fa'aleotetele i luga o la'au o ta'avale i taimi o tapua'iga Afiafi ma afiafi o Sapati, o le ala lea ua matuā fa'amalosia ai lava le fai o vavao ma sa mo le nu'u i taimi o le afiafi.


"Mo i latou ua fai ma amio le ki fa'aleotele o la'au o ta'avale i taimi o tapua'iga afiafi, ma afiafi o Aso Sapati, fa'ata'ita'i ona ki tou la'au i tou lumafale, poo totonu o le tou nu'u, ona outou lagona lea o le inosia o outou. O le fautuaga, e lelei ona taofi loa ia uiga le mafaufau aua e le ta'uleleia ai oe."


O le saunoaga tu'usa'o ia a le pulenu'u o Apia ona o le faigata lava ona Utagia e tagata o latou vavao o lo'o fa'atino ina.


O le fa'amoemoe lava o lenei fa'asalalauga ona ua maitauina le tele o fa'afitauli ua tula'i mai ona o le le usita'ia e tagata feoa'i o taimi mo tapua'iga a 'aiga taitasi.


Na saunoa Tuiletufuga, ua amata ona le maua ni mafutaga lelei a matua ma fanau i nei taimi ona ua le toe iai se tulaga mamalu e pei ona sau a'i pulega ali'i ma faipule i le fa'atuaina lea o vavao mo tagata feagasoloa'i.


605 views

Comentários


bottom of page