top of page

Tūmau pea le lagolago a Niu Sila i tapenaga a Samoa mo le fono a atunuu o mālō o le Taupulega.


O le vaiaso nei na faafeiloai ai e le Ao o le Mālō, Tuimalealiifano Vaaleto'a Sualauvī II le Komesina Maualuga o Niu Sila, ma tauaao atu iai ona tusi taualoa.


O Si'alei Van Toor le suafa o le Komesina Maualuga Fou o Niu Sila i Samoa e sui tulaga ai ia Dr Trevor lea ua māe'a lana tautua i Samoa.



Talu mai le tausaga e 1962, sa sainia ai e Samoa ma Niu Sila le feagaiga o le faigāuō ma faaauau mai ai lava i lenā taimi faigapaaga a mālō e lua e oo mai i lenei taimi.


Sa faailoa e le sui o le mālō o Niu Sila i Samoa, o le 'a ia faaauauina nei faigapaaga ma o le 'ā taumafai lava ina faatumauina le mafana ma le vāvālalata o le faigapaaga lenei.


Ua folasia e Si'alei, o le 'ā faaauau pea ona fesoasoani mai Niu Sila i le faaleleia atili o tamāoaiga, atinae, fofō mo suiga o le tau ma le faatumauina pea o le lagolago i tapenaga a Samoa mo lana taligāmālō i le Fono o Atunuu i le mālō o Taupulega(CHOGM).



Sa faafetai e le Ao o le Mālō le so'otaga faaauau a Niu Sila ma Samoa na afua mai ina ua sainia maliega o faigauō i le 1962, o le tele manulauti ma atinae o Samoa o loo fesoasoani tele ai Niu Sila, e pei o aoaoga, soifua maloloina ma atinae eseese auā le soifua manuia.



O le afioga ia Si'alei e iai ona piitaga i Sàmoa ma e iai foi le talitonuga o le 'ā fesoasoani tele lea i ni isi o mataupu faalotoifale o Niu Sila ma Samoa.


O le susuga ia Si'alelei e lē fou lana tautua faavaomāló, e pei foi ona sa avea ai ma Amepasa o Niu Sila i Rusia i le tausaga e 2020.




190 views
bottom of page