top of page

Ta’atia le matā’upu ‘o le fa’amavaega a ‘Ale ma Tu’u’u i le fono a le Palemene ia Tēsema.

8 Oketopa 2022

Ua folasia nei le finagalo a le afioga i le Fofoga Fetalai o le Maota ia Papāli’i Li’o Ta’eumasepa’u e tusa o le tali atu i le mata’upu i le fa’amavaega a ni isi o sui faipule sinia mo le Itumalo fa’apalota Faleata 4 ma Si’umu.


I le vaiaso na te’a, na fa’asalalaui ai fa’alaua’itele le fa’amavaega ‘a le sui faipule mo Faleata 4 ia ‘Ale Vena ‘Ale ma le faipule o Si’umu ia Tu’u’u Anasi’i Leota mai i le Vaega Fa’a’upufai e Puipuia Aia Tatau a Tagata(H.R.P.P).


Na tusi le afioga i le ta’ita’i o le Vaega Fa’a’upufai e Puipuia Aia Tatau a Tagata le susuga ia Tuila’epa Sailele Malielegaoi i le Fofoga Fetalai e fautuaina ai le ‘fa’agafua’ o nofoa mo itumalo fa’apalota Si’umu ma Faleata 4 i le Palemene.


Peita’i, e tusa ai ma le tali tusitusia a le afioga i le Fofoga Fetalai. O lo’o ta’ua ai lona fa’aeteetega i le ma’a’ale’ale o le Fa’agafua o Nofoa o ia Itumalo, ona o le tulaga amana’ia o aia tatau fa’ale-Fa’avae a ia Sui Usufono e tusa ma aiaiaga o le Mata’upu 47 o le Fa’avae o le Malo Tuto’atasi o Samoa.


I lea fa’ai’uga ua manatu ai le Fofoga Fetalai, o le ‘a tu’uina atu lenei Mata’upu i luma o le Fono Aoao Faitulafono(Palemene) i lana fonotaga i le Aso 20 Tesema 2022, ina ia fa’atalanoa ai se fa’ai’uga talafeagai o lenei mata’upu.


O le kopi lenei o le Tusi fa’alaua’itele ‘a le Fofoga Fetalai ia Papali’i Li’o Ta’eumasepa’u.




2,088 views

Comentarios


bottom of page