top of page

Tala fiafia se tama'ita'i Samoa ina ua feiloa'i ma le tina o Dwayne Johnson i le malaevaalele o NZ.


Ua 20 tausaga fa'ato'a toe o'o mai lea o le tina ia MATANIUFEAGAIMALEATA po'o Ata e asia ona 'aiga i Niu Sila.

Na malaga mamao mai lava le tina nei mai i Amerika i le mea o lo'o aumau ai, e fa'amoemoe lea e asia nai ona 'aiga uma i Niu Sila.


O 'Ata o le tina lea o le fai ata tifaga lauiloa Samoa o Seiuli Dwayne Johnson po'o the Rock.

O le vaveao nei o le Aso Tofi, na taunu'u ai 'Ata i totonu o Niu Sila mo le fa'amoemoe e asiasi ona 'aiga.

I le taunu'u ai o 'Ata i le malaeva'alele o Niu Sila i Aukilani, na maua ai le avanoa e feiloa'i atu ai i se tasi o tama'ita'i Samoa e galue i le malaeva'alele ia Apoiliu Ete.


O fa'amatala e Apoiliu i luga o le facebook, ua te'i i le fesili atu o 'Ata ia te ia po'o ia o se Samoa; sa tali iai e sa'o lelei ma sa talanoa fiafia atu ai ia te ia.


O le maua ai o lenei avanoa e feiloa'i atu ai le tama'ita'i o Apoiliu ia 'Ata o se fiafia ma o se fa'amanuiaga ia te ia, ona ua mafai ona va'ai tino i le tua'a o le ali'i o Dwayne Johnson.


O le vaiaso ua tuana'i na fa'amanatuina ai fo'i lona Aso Fanau lea ua atoa ai lona 75 tausaga.



3,773 views

Comments


bottom of page