top of page

Talia e Joseph Parker le lu'i a Zhang

By Lauano Demtrius Ah Mau.

  


Ua fa'alauiloa fa'alauaitele le fusuaga po'o le faipelega o le 'a faia i le masina o Mati  i lona aso 8 o le tausaga lenei, lea e feiloai ai  Joseph Parker ma le ali'i fusu iloga mai Saina o Zhilei Zhang i lalo o aupaga mamafa.


O Parker lea e le'i e le'i leva atu ona ma'ea lana fusuaga lea na manumalo ai ia Wilder, o le fusuaga lena lea na fa'aosofia ai Zhang i le fia faipele ia Parker.  


O Zhang o se ali'i fusu iloga i le tulaga ese o lona faitino fa'apea le malolosi o lima pe a fua iai i le tele o ana tu'i oti e fa'aoga ai lona lima tau agavale. O ia fo'i lea na fusu ma  Joe Joyce ma manumalo ai i le tu'i oti. Na manumalo i le pine siliva i ta'aloga o le Olimipeka i le tausaga e 2008 i Saina, e 26 fusuaga, 1 le malolo 1 fo'i le tutusa.  


O Parker e 34 ana fusuaga e manaumalo ai ae 2 malolo, a fa'atusatusa iai le numera o fusuaga o ali'i nei e to'alua e leai se eseesega tele i le tulaga o manlumalo ma malolo. 

 

O le a faia lenei fusuaga i Saudi Arabia, e tele nisi o suafa iloga i le ma'ea lea o le 'a faipele i lea fa'amoemoe. O le fusuaga autu o le 'a fusu ai Anthony Joshua ma le ali'i o Francis Ngannou. 

 

583 views
bottom of page