top of page

Talia e le Minisita le fa'amavaega a le Pule o Malaeva'alele a Samoa.



Ua talia nei e le afioga i le Minisita o Malaeva'alele ma Galuega ia Olo Fiti Afoa Va'ai le tusi fa'amavae a le afioga i le Pulesili o Malaeva'alele ia Silimana'i Ueta Banse Solomona.


O le fa'amavaega a le susuga ia Silamana'i, sa tu'uina atu i lana afioga i le Minisita o le Matagaluega ina ua maua se isi ona avanoa e ta'ita'ia ai se fa'alapotopotoga tele o mea tau i pulega o va'alele i le Pasefika i le Ofisa Autu i Port Vila, Vanuatu.


E fa'amavae le susuga ia Silimana'i ua lua nei ana paea'iga i le avea ai ma Pulesili o Malaeva'alele a le atunu'u.


A'o tapena ai taligamalo a Samoa mo le fono o malo uma o le taupulega i le masina o Oketopa i le tausaga fou 2024, a'o lea ua fa'amavae le Pulesili sa ta'ita'ia tele o galuega fa'atino a lea Matagaluega ma le Pulega.


O le tausaga e 2019 sa tofia ai e le Kapeneta ia Silimana'i e ta'ita'ia le Pulega o Malaeva'alele a le atunu'u, o se tamali'i Samoa e tele ona agava ma le tomai i tulaga o Malaeva'alele ma Va'alele Savili.



2,403 views

Comments


bottom of page