top of page

Taofia e leoleo se tina Samoa fatusolo i moliaga o le fasioti tagata fa'amoemoeina.





O le tina po'o le tama'itai tusitala/tusisolo ia Papalii Sia Figiel ua taofia ma molia nei e leoleo i moliaga o le fasioti tagata faamoemoeina i le Aso Gafua 27 Me 2024.


O se mata'upu na tula'i mai i le Aso To'onai i lona fale i Vaivase Uta i le nofoaga o lo'o iai lana pisinisi faaigoaina o le Galumoana Theatre, lea na ia fa'aoo ai le maliu i se tasi o tina e 78 tausaga le matua.


E le'i mautu mai ni mafua'aga tonu na tula'i mai ai lea fa'alavelave mata'utia, ae na fa'ailoa e leoleo i le mae'a ai o nai a latou su'esu'ega muamua, sa faailoa ai e le tina ua molia, na uma ona tupu lea fa'alavelave i le Aso Toonai ona malaga atu lea i le nuu o Lotofaga e eva ma lana uo ae o lo'o ta'atia ai lava le tino maliu o si tina 78 tausaga i le potu o lona fale.


E tusa o le saunoaga a le Komesina o Leoleo ia Auapaau Logoitino Filipo, o le taeao na sosoo ai i le Aso Sa na te'a nei, sa fai ai se malu taeao a le tamaitai o Sia ma lana uo Lotofaga lea, na ia ta'u ai loa i lana uo le mea sa tupu, o le ala lea na mafua ai loa ona oo atu le mata'upu i le Matagaluega o Leoleo.


Na faailoa e leoleo, na toe alu atu lava i totonu o le Ofisa o Leoleo le tina nei ma tautino i leoleo le mea tonu na tupu. O lea na malaga atu ai loa leoleo ma maua ai le tino o si tina nei o lo'o faaleagaina uma i se samala sa fa'aaogaina ma ni tamai naifi e fa'alavalava solo i lona tino.


Na molia le tina ia Sia i le taeao o le Aso Sa i moliaga o le Fasioti Tagata pa'ivalea ae ina mae'a nai su'esu'e sa fa'atino e le Matagaluega o Leoleo, o lea na toe suia mai ai loa ona moliaga mai i le Fasioti tagata pa'ivalea i le Fasioti Tagata Famoemoeina.


O le tina ua maliu o Dr. Caroline Sinavaiana Gabbard, o se tusitala fo'i mai i Amerika Samoa.

Ae o le tina ia Papalii Sia, ua 54 tausaga le matua lona soifua, o se tasi o tusitala lauiloa a Samoa, i le fatuina o solo ma tala.



4,747 views

Comentarios


bottom of page