top of page

Tapena Ausetalia e fesoasoani i le fa'apipi'ina o mea pu'eata i le taulaga o Apia.


Ua folasia e le Komesina fou o Ausetalia i Samoa, William Carter le fesoasoani a Ausetalia mo le fa'apipiina lea o mea pu'eata mo le mat'ituina o le saogalemu i le taulaga o Apia.


O le aso ananfi lea na tuuina atu ai tusi taualoa a le Komesina Fou a Ausetalia i lana afioga i le Sui o le Fono sui tofia ia Le Mamea Tuiletufuga Ropati Mualia, i le Ofisa o le Va i Fafo a le atunuu i Ele'ele Fou.


O se fiafiaga i le alii Komesina, o le tofia o ia e galue mo Samoa o se Komesina Maualuga a lona atunuu o Ausetalia.


Sa toe fa'amautu i saunoaga a le Komesina Maualuga, le faigapa'aga fa'aauau a Ausetalia ma Samoa e ala lea i poloketi ese'ese.


E le'i leva atu ona fa'aeiloai e Samoa le va'a fou e leoina gataifale le Nafanua III, o se tasi lea o pine fa'amau o le vavalalata o faigapa'aga o malo e lua.


I lenei tausaga 2024, ua tapena ai fo'i Samoa i le fonotaga e talimalo ai i le masina o Oketopa, lea o le 'a auai mai ai sui mai atunuu uma o le Taupulega e aofia ai ma le malaga mai o le Tupu o le malo tele o Peretania o Tupu Salesa.


O le faigapa'aga a Ausetalia ma Samoa ua autausaga, ma o le tele o fesoasoani e fa'amuamua lava le saogalemu e pei ona tauala mai i le Matagaluega o Leoleo.



O mea pu'eata ua fuafua e fa'apipiina i auala i le taulaga, sa a'e se manatu ina ua molimauina le tele ma le fa'atupulaia o fa'alavelave ma soligatulafono i luga o le auala ae e faigata ona maua se fa'amaoniga.


E le'i maua tonu se aso e amata fa'apipiina ai lenei poloketi tele mo le saogalemu o Samoa atoa.

191 views
bottom of page