9 Ianuari 2022
O le toe amatalia ai o le tele o Matagaluega a le Malo ma ana auaunaga i le aso 9 o le masina lenei o Ianuari 2023, na faia ai se fonotaga muamua o le tausaga fou lenei a le vaega o Pulega mo le Matagaluega o Leoleo, Falepuipui ma le Ola Toefuta'ina i le ofisa autu i Tau'ese.
O le fonotaga lenei na auai ai le afioga i le Komesina o Leoleo aemaise o afioga i Sui Komesina o Leoleo.
I le fonotaga, na va'aia ai le taula'i a le afioga i le Komesina o leoleo le tofa ia 'Auapa'au Logoitino Filipo i nisi o vaega tetele ua fa'ata'oto i le auivi o tapenaga a le Matagaluega mo lenei tausaga 2023.
O vaega e aofia ai le tapenaga a le Matagaluega mo le Puipuiga o se 'aumalaga ma 'aufono mo le Fono a le CHOGM 2024 e faia mai i Samoa i le Tausaga lenei ma e matua'i mana'omia ai ni ali'i ma tama'ita'i malu o le malo.
O le isi o vaega, o le tulaga lea i le toe tu'uese'eseina mai ai lea o le Matagaluega o Leoleo mai i le Pulega o Falepuipui ma le Ola Toe Futa'ina e pei ona sa tu'ufa'atasi i nai tausaga e le'i mamao.
O le masina o Iulai o le 2022 na fa'ailoa ai e le Afioga i le Minisita o Leoleo Hon Faualo Lefau Harry Schuster lenei fa'amoemoe mo le isi lua tausaga.
O le tausaga e 2022 na toe tu'uese'eseina ai fo'i le vaega o ta'avale afi ma le pasiaina o ta'avale lea na i lalo o le va'aiga a leoleo ma toe fa'ase'e atu ai i le Ofisa o Pulega i Felaua'iga i le Lauele'ele.
Kommentare