top of page

Tapena Mulipola e talosaga le Kapeneta mo isi fa'amanuiaga o tagata e iai a'afiaga tūmau o le soifua.

Ua saunoa le Minisitā o Tinā ma Tamaitai, Atina'e o Nu'u ma Agafesootai ia Mulipola Anarosa Ale Molioo, e faailo ni isi o fuafuaga a le faigamālō ua ta'oto a'o le'i māe'a le nei nofoaiga.


O ia fuafuaga e aofia fa'amanuiaga o le 'ā maua e nai o tatou tagata e iai a'afiaga tūmau o le soifua, o le 'ā mafai ona tala fu fuālā'au ma vailā'au mo gasegase ma le malaga fua i luga o va'a i le vā o Upolu ma Savai'i.


Ua iai le fuafuaga ua tāpena ai le mālō e fa'ataunu'u ae le'i māe'a lenei paea'iga lona 17.


I le saunoaga a le tamautai Minisitā i luga o le Savali, ua ia fofola ai tapenaga a le mālō o iai nei, ina ia fa'ataunu'u nei fuafuaga mo i latou e iai aafiaga tūmau o le soifua.


Ua māe'a na fa'atino le isi a'afiaga mo i latou nei, e pei ona iai le ta'i $100 ua maua i masina ta'itasi.


Saunoa Mulipola, o lea ua tapena le Pepa i le Kapeneta, mo le talosaga ina ia fa'asafua atu le isi nei o fa'amanuiaga mo tagata e iai aafiaga tūmau o le soifua.


O le manulautī tuliloa a le Matāgaluega ma le Faigāmālō, ina ia tutusa tagata uma i fa'amanuiaga e pei foi ona maua e tagata o loo ato'atoa le mālosi.



457 views

Comments


bottom of page