O lea ua i laufanua o Samoa nei le au atoa a le Manu Samoa mo le fa'amautuina o toleniga ma tapenaga uma mo le ipu o le lalolagi ma isi ta'amilosaga o lo'o foli mai mo le Manu Samoa.
O le toatele lava o alo ma fanau o lo'o filifilia ile Manu Samoa o lo'o ta'aalo i kalapu lakap i fafo ae ua na'o le toatasi le ali'i o lo'o ta'alo ma fa'amautu inei i Samoa lava ia e iai le ali'i o Owen Niue mai le afioaga o Tagat ma Gataivai i Savai'i, o se tasi fo'i o sui filifilia o le Manu Samoa sevens i nisi o tausaga.
O le taimi nei o lo'o fa'agasolo lava toleniga ma tapenapenaga a le Manu Samoa ma fa'asauni ai mo ana ta'aloga muamua inei i Samoa lea ole a ta'aalo ai ma le 'au a Italia i le aso 5 o Iulai i le tausaga lenei so'o ai ma le ta'aloga ma Sapain i le aso 13 o le masina lava o Iulai ma o ta'aloga uma nei e lua o le a fa'atautaia i le malae ta'alo fa'avaomalo a Samoa le Apia Park Stadium.
Comments