top of page

Tapunia a'oga 'uma ona o fautuaga o le Tsunami.

5 Tesema 2022


O le taeao o le Aso Gafua 5 o Tesema 2022 i le itula e 8.24am na lūlūina ai se mafui'e i Samoa i le malosi e 6.8.


I nai minute ina ua mae'a le lūlūina ai o le mafui'e, na ‘aumai ai se isi fa'asalalauga mai i le Ofisa o le Tau i fautuaga mo le nofo sauni ise Tsunami.


Na vave ona logoina tagata faigaluega a le mālō ma a'oga ina ia tapunia galuega, o a'oga ma su'ega o lo'o fa'agasolo se'i toe logoina mai e le Matagaluega ona o le tulaga sa auamai ai fautuaga mai i le Ofisa o le Tau a Samoa.


I se va'aiga i le nei taeao o le Aso Gafua i le taulaga o Apia ua gaogao, ona o le to'atele ua agai i 'aiga.


O le itula e 9.45am na toe aumai ai le isi fa'asilasilaga a le Ofisa o le Tau ua fa'aleaogaina ai le NOFO SAUNI MO SE TSUNAMI.

477 views

Comments


bottom of page