top of page

Tatala le Ofisa ole fono fa'avae ma isi Poloketi a Gagaifomauga 3.


O le Aso To'ona'i 29 Oketopa 2022 na tatala ai le ofisa ole fono fa'avae mo le itumalo fa'apalota o Gagaifomauga numera 3 i Salafai ma isi atina'e mo le itumalo atoa.



O le ofisa o le fono fa'avae a Gagaifomauga 3 ua fa'aopoopo atu ai nei i isi itumalo fa'apalota lea ua mae'a ona tatala a latou ofisa mo le poloketi o le $1 le miliona e pei ona sa fa'ata'oto mai e le faigamalo a le vaega fa'aupufai o le Fa'atuatua i le Atua Samoa ua Tasi (F.A.S.T).

O le afioga i le ali'i Minisita o le Matagaluega o Tina ma Tamaitai Atina'e o Nu'u ma Aga Feso'ota'i ia Leota Laki Lamositele na saunoa e fai ma sui o le Malo aemaise o le Matagaluega o lo'o fa'atautaia lenei poloketi i Samoa.


I le saunoaga a le Minisita o le Matagaluega o Tina ma Tamaitai na ia vi'ia ai le itumalo male Komiti ole poloketi mo le Itumalo o Gagaifomauga 3, i le tapenaina o le fa'amoemoe ma le poloketi a le itumalo ua le gata ina fausia o le ofisa mo le fono fa'avae ae o isi atina'e amata a le Itumalo mo le soifua manuia o ona tagata.


O le Afioga i le sui faipule a le Itumalo, le afioga ia La'aulialemalietoa Polata'ivao Schmidt o ia foi o le ta'ita'ifono o le Komiti a le Itumalo na fofogaina le tala o le tupe o le galuega atoa.


I le tala o le tupe o le galuega, e $132,000 na fa'amatu'u atu 'e le Malo mai i le vaega tupe fa'avae e $200,000 e fausia ai Ofisa o Fono

Fa' avae o le Poloketi $1 miliona tala.


Na saunoa le afioga i le ta'ita'ifono ia La'aulialemalietoa, e $130 afe le tupe sa fa'amatu'u atu 'e le malo, ona manatu lea e le taitai ona gafatia lea seleni e amata ai le galuega i lona fa' atinoga 'atoa.


Ona sa'ili lea o le Itumalo mo se latou lava sao mo le galuega, ma na latou aoina ai se seleni e tolu selau sefuluvalu afe ($318,000), o le seleni lenei na tu' ufa'tasi ma le seleni e $132,000 mai i le malo ona maua ai lea o le tau aofa'i o le galuega mo le Ofisa o le fono fa'avae e $450,000 e aofia ai ma le tanuga atoa o le nofoaga olo'o ua fa'atu ai le Ofisa.


O isi vaega amata o le Poloketi lenei a le itumali, o le fale komiti e tusa lona tau ma le $350,000, o le fale e tua i ai le itumalo e $170,000 ma le fausiaina o le vaita'ele aua le itumalo atoa e $200,000 a tuufaatasi ona maua ai lea o le tau aofa'i ole galuega e latalata i le $1.2 miliona tala.


Ae peita'i i le galuega lava ia mole ofisa ole fono fa'avae e $450,000. Na saunoa le Afioga i le Ali'i Faipule o le itumalo Gagaifomauga 3, o lo'o fa'aauau pea galuega mo lona Itumalo aua le soifua manuia o tagata.


O le Ofisa o le Fono fa'avae a Gagaifomauga 3 o lo'o fausia i le nofoaga a le Itumalo i Sasina ma e aga'i tasi uma i ai aua le soalaupuleina o manatu ma fuafuaga a le Itumalo mo le au i luma.


O le susuga i le Agaiotupu poo le Kamuta sa feagai ma le fausia ina o le Galuega, o le Tofa ia So'oalo Fa'amanu mai le afio'aga o Samauga i Savai'i.


O le tatalaina o le Ofisa o le Fono fa'avae a le Itumalo na 'auai ai le Tama'ita'i Palemia ia Fiame Naomi Mata'afa, Fofoga Fetalai le susuga i le Papali' i Li'o Ta'eumasepa'u, Sui Fofoga Fetalai le tofa ia Mulipola, Minisita ole Kapeneta, Sui faipule ole Maota ma Minisita Lagolago, Sui ole malo o Saina o lo'o feagai ma le tulaga o laau toto ma fa'ato'aga i Samoa, Sui o le fa'alapotopotoga o le au fai fa'ato'aga i Savai'i, fa'auluuluga o le Matagaluega o Tina ma Tama'ita'i ia Dr Mema Motusaga ma nisi fa'alapotopotoga.

582 views

1 commentaire


TALOFAE Alii Akila tulou lava le SUAFA Fepuleai Oa fa Au ma sou Lagona Faamata Ete Leo silafiaina lelei lava Ole tulaga Lena Ete IAI Eleo talafeagai Lou Nofoia OLE NOFOA OLE peresitene O Faamasinoga o fanua ma SUAFA OLE Atunuu AE UA Faamaonia Lau solitulafono Quilty Verdict How do you feel about it SAMOA FAAMASINO OE

J'aime
bottom of page