top of page

Tau'a'ao ki o le Nafanua III i le Matagaluega o leoleo ma le Malo o Samoa.


Ata Pu'eina: Ministry of Police


Ua tau'a'ao aloa'ia e le Malo tele o Ausetalia le va'a leoleo e leoina gataifale o Samoa le Nafanua III i le mavae ai o le 3 tausaga o leai se va'a ina ua toe fa'afoi le va'a na paulia i Salelologa.


Na auai i Ausetalia le afioga i le Minisita o le Matagaluega o Leoleo ia Faualo Harry Schuster e fai ma sui o le Malo o Samoa, o le Komesina o Leoleo ia Auapa'au Logoitino Filipo, Komesina Lagolago ia Leausalilo Norman Meni ma le Ofisa Sili Lagolago ia Naomi Claire Harris.


O le afioga i le Minisita o le Matagaluega o leoleo ia Faualo Harry Schuster na fofogaina le saunoaga a le Malo, ma sa fa'ailoa ai le taua i le malo o Samoa o lenei fesoasoani i le iai pea o se va'a leo gataifalae o Samoa.


Saunoa Faualo, o le iai o se va'a a Samoa lava ia; o le 'a mafai ai ona fa'amalosia puipuiga fa'alotoifale mo le saogalemu o Samoa i le ono ofi mai ai o ni soligatulafono e ui mai i gataifale.


O lenei fo'i foa'i a Ausetalia, o le 'a fa'amausaliina ai pea le faigapa'aga o atunu'u e lua, i le mata'ituina o naunauta'iga mo le saogalemu puipuia o gataifale o le Pasefika.


O le matafaioi o le Nafanua III, o le va'ava'aia ma le puipui o gataifale o Samoa ma le Pasefika, e ala lea fa'atumauina o tulafono ma mata'itu gaioiga fa'asolitulafono e ofi mai i le atunuu.



Sa fa'amaualalo fo'i le afioga i le Minisita i le malo o Ausetfalia, ona o le a'afia ai ma le fa'aleaga ai o le isi va'a o le Nafanua II, sa pa'ulia i Salelologa i le tausaga e 2021.


Ua iai le fa'amoemoe e taunu'u mai lenei va'a i le aso 20 o le masina o Ianuari o le tausaga fou 2024.

bottom of page