top of page

Tau’a’ao tusi faamaonia ale sui o Samoa ile ofisa o Malo Aufaatasi I Sineva


O le aso 11 o Me 2022, na aloaia ai le 182 o sui o Malo Aufaatasi i le Ofisa o Malo Aufaatasi i Sineva (UN) ina ua mae‘a le tuuina atu o tusi faamaonia o le uluai Sui o Samoa i Sineva, Toleafoa Nella Pepe Tavita-Levy, i le Faatonusili aoao ole ofisa a malo au fa’atasi I Sineva ia Tatiana Valovaya.


O Toleafoa na tofia e le Malo o Samoa i le amataga o le tausaga nei e avea ma Amapasa ma le Sui Tumau o Samoa i Sineva.


Sa avea o ia ma Ofisa Sili Lagolago o Fefa'ataua'iga i le Matagaluega o Mataupu Tau le Va i Fafo ma Fefa'ataua'iga talu mai ia Aperila 2016. A'o le'i avea ma sui ofisa sili lagolago ale Vai I Fafo, sa avea o ia ma Faufautua i le Amapasa o Samoa i Brussels mai le 2012 i le 2016.

O lea ua fa'avae aloaia e le Sui Tumau le ulua'i Misiona Tumau a Samoa i Sineva.


Ose matati’a lea ua ausia e le Malo o Samoa, ua faailoa ai le tāua o le faamalosia o sootaga ma Malo Aufaatasi ma isi faalapotopotoga faavaomalo i Sineva; ma so'otaga faavaomalo ma le Malo Suiselani.


O le i ai o Samoa i Sineva o le a maua ai le avanoa tuusao e saofagā ai i talanoaga e fausia ai le tali atu o le lalolagi i vaega taua ia Samoa, e aofia ai atinae gafataulimaina, Aia Tatau a Tagata, soifua maloloina ma le COVID-19 tali atu, fefaʻatauaʻiga, fesoʻotaʻiga, suiga o le tau, ma isi.


O le sui a Samoa o le a faamalosia leo Pasefika ma fono o atunuu laiti i Sineva; ma ole tofia ai ose sui o Samoa ile ofisa ole malo au faatasi i Ausetalia, Fiti, Marshall Islands, Nauru, Niu Sila ma .


110 views

Comments


bottom of page