top of page

Taunu'u i Sāmoa le Kovana Amerika Sāmoa mo le talanoaga a Samoa ‘Ātoa.

7 Oketopa 2022

Photo Credit: Facebook- American Samoa Government


O le Aso Lua 11 o Oketopa 2022 na taunu’u ai ‘i Sāmoa tuto'atasi le malaga a le afioga i le Kōvana Sili o Amerika Sāmoa ma lana faigamālō e malaga mai i talanoaga a mālo e lua-Samoa ‘Ātoa e pei ona sa tu'upōina mai ‘i le masina lenei o Oketopa 2022.


O le Aso Tofi 13 ma le Aso Faraile 14 2022 ua fa'amoemoe o le'ā fa'ataunu'uina ai lenei fonotaga po'o talanoaga a Samoa e lua.


Saunoa le afioga i le Kōvana Sili ia Lemanu Palepoi Sialega Mauga, o nei avanoa o le'ā mafai 'ona fa'amalosia ai le galulue fa'atasi ai o Samoa e lua e ala lea i atina'e mo le lelei alu i luma o Samoa Tuto'atasi ma Amerika Samoa.


O le māsina o Iulai na fai ai se fa'atasiga lava fa'apēnei i Amerika Samoa lea na 'auai ai le tama'ita'i Palemia ma nisi o Minisitā o le Kapeneta ma fa'atalanoaina fo'i ni isi o matā'upu o lo'o ta'oto iai manaoga o tagata lautele mo le manuia o motu e lua.


O le aumalaga a Amerika Sāmoa na taunu'u mai i le Aso Lua, na ta'ita'ia mai e le Kōvana Sili ia Lemanu Palepoi Sialega Mauga, o le faletua ia Ella Mauga, o le fa'auluuluga o le faigamalaga ia Loa Tuimavave T. Laupola ma isi tagata mau tofi maualuluga o le faigāmālō a Tutuila ma Manu'a.


O le afioga i le sui Palemia ia Hon Tuala Tevaga Iosefo Ponifasio na fa'afeiloa'ia le 'aumalaga i le malaeva'alele i Faleolo.


O le aso Tofi 13 Oketopa e fa’amoemoe e tatala aloa'ia ai lenei talanoaga mo Samoa e Lua 'ae amata i le taeao i le itula e 7.30am ile tula'i fa'aaloalo a leoleo (Guard of Honour) i luma maota ole mālō tuto'atasi o Sāmoa.


165 views

Comments


bottom of page