top of page

Taunuu i le Aso 26 o Ianuari le tama'ita'i o Haylani i Samoa.

I le mae'a ai o le tauvaga tele sa agiagia ai le tagavai o Samoa i le lalolagi i le vaiaso na te'a nei ma maua ai e le sui o Samoa na auai i le tauvaga o le Miss Global le tulaga lua, ua fa'ailoa mai nei e le Kamupani telefoni a le Vodafone Samoa, o le aso 26 o le masina nei ua fa'amoemoe e taunuu mai ai i fanua le tama'itai o Haylani.


E ui lava ua mae'a le fa'amoemoe, ae o lo'o pepese pea tagata Samoa i so'o se itu o le lalolagi i le pese o le fiafia ma le mimita ona o le fa'aeaea a le tama'ita'i o Haylani.


I le amataga mai lava o le faigamalaga ma taumafaiga a Haylani i le nei tauvaga tele, sa matua fa'afiafiaina le tapuaiga a Samoa ona e le'i iai se taimi sa fa'aletonu ai le taumafaiga a Kurupu.


O le sailiga o se tama'ita'i e paleina le pale o le Miss Global i le nei tausaga 2024, na sa'ili ai i le tama'ita'i Samoa o Haylani ma le tama'itai mai Puerto Rico lea na manumalo i le tauvaga.


Ua fa'ailoa mai e le Vodafone Samoa, e le'i mautu ni tapenaga mo le fa'ataliga o Haylani i lona taunuu mai ae o le mea mautinoa o le 'a tumutumu le malaeva'alele i lea aso i tagata Samoa.


O Haylani, sa avea ma tausala o Samoa i le tausaga e 2022 i le 2023, ma o se tasi o tama'ita'i sa mata'ina ana taumafaiga a'o tula'i mai i lona taimi o se amepasa a Samoa i le lalolagi.

1,994 views
bottom of page