top of page

Taunuu le X-ray Scanner mo galuega a le Uafu tutotonu o Samoa i Matautu.


Photos by Ministry of Custom and Revenue.


Tūsia: Lauano Demetrius Ah Mau.


O se tala fiafia i le malo ma le Palemene o Samoa le taunuu mai ai o se masini X-ray scanner mo le siakiina o soo se container ma oloa auina mai atunuu i fafo mo Samoa nei, ma o le aso ananafi sa taunu’u ai i fanua o Samoa lea masini.


O le afioga i le sui palemia ma o ia fo’i o le Minisita o le matagaluega o Tiute ma Tupe Maua a Samoa, le afioga ia Tuala Tevaga Iosefo Ponifasio sa auai atu i le uafu i Matautu e molimauina le taunuu mai ai o le X-ray Scanner ua leva ona tapisa ai le fono a le palemene ma faatalitali a’o

lea ua to’ai i fanua.


Sa auai foi ma nisi o faauluuluga o Matagaluega a le Malo faapea ai sui o le kamupani mai Saina ua taua o le Nuctech Company ao tapenapena ai le auina ma e aevesea

mai o le masini mai luga o le va’a.


O le taunuu ma le auina mai ai o le X-ray Scanner sa faatupeina e le Faletupe mai Asia po’o le Asian Development Bank e tauala mai i le poloketi o le faamuamua o le sefe ma le saogalemu o galuega ma le faatumauina lelei o auaunaga a le uafu i Apia(Apia Ports Project).


Na faafetaia e le matagaluega le Faletupe o Asia ae le gata i lea o le fesoasoani a le malo lea ua faataunuuina ai le auina mai o lenei masini aganata, o le a mafai ona siitia ai le tulaga lelei o le faagasologa o galuega a le Matagaluega e ala i le siakiina o Container ma oloa uma e taunuu

mai i le uafu i Matautu.


O le faaogaina o lenei masini o lo’o faatali i le taimi e maea ona fausia ai le warehouse a le matagaluega, ma o le masina o Me i le tausaga lenei lea ua faailoa mai e maea fausia ai lenei fale, o le a amata faaoaga le Scanner pea maea lelei ona faapipii ma siaki uma ma ua mautinoa

ua lelei ma atoatoa vaega uma e manomia faapea ai ma le faatinoina muamua o aoaoga mo le faaogaina o le X-ray Scanner.

60 views

Comments


bottom of page