top of page

Toe 4 vaiaaso taunu'u mai i Samoa le va'a leoleo le Nafanua III.

E toe 4 vaiaso ona taunu'u lea i fanua o Samoa le va'atele o le Nafanua III, lea na tau'a'ao aoa'ia e le malo o Ausetalia i le masina na te'a nei ia Samoa e pei ona malaga atu ai le afioga i le Minisita o Leoleo ia Faualo Harry Schuster ma le Komesina o Leoleo.


O le tolu ai lea o va'a o le Nafanua ua fesoasoani ai le Malo tele o Ausetalia, e fesoasoani lea i le leoina o gataifale o Samoa ma atumotu laiti o le Pasefika.


O le isi va'a talu ai o le Nafanua II, sa fa'aleagaina ina ua pa'ulia i gataifale o le nu'u o Salelologa i le tausaga e 2021.


O le faigapa'aga a leoleo Samoa ma Ausetalia, ua afua ai ona fa'aauau pea lenei fesoasoani ina ia mautinoa le saogalemu o gataifale ma tua'oi fa'avaomalo a Samoa mai i ni gaioiga fa'asolitulafono.


O le taunu'u mai ai lenei va'a o le 'a fa'atino ai fo'i sauniga aloa'ia a le Malo o Samoa e tatala ma fa'apa'ia ai lenei va'a fou a'o le'i amatalia ana galuega i gataifale.



O le taimi nei o lo'o fa'agasolo toleniga ma tapenaga a malu o le malo o lo'o i totonu o Ausetalia ma tapena ai e malaga mai i le nei masina i Samoa.


141 views
bottom of page