top of page

“Toe a ‘o le pa’ō ‘o le samala”. Minisita o le Soifua Maloloina i le falema’i o Lufilufi.


O le ‘upu laualuga lava lenei i saunoaga a le Minisita o le Soifua Maloloina ia Valasi Luapitofanua To’ogamana Selesele i le fono a le Palemene i le vaiaso na te’a nei, e tali fuaitau ai i mana’oga a itumalo sa talosagaina a latou falema’i.


O le tasi o itumalo sa toe fa’amanatu lana falema’i o Lufilufi, na saunoa ai le tofi o le Itumalo ia Alai'asa Moefa'auouo Tapuai Sepulona Moananu i lana saunoaga i le talanoaina o le tala fa’aopoopo o tupe 2023/2024.


O Lufilufi o le tasi lea o nuu o le Itumalo Anoama’a na talosagaina lona falema’i i le paea’iga lenei, ma e le’o mapu ai pea le tu’itu’i a le tofi o le Itumalo e pei ona toe fa’amanatu i le Minisita i le fonotaga i le vaiaso ua tuana’i.


Saunoa le Minisita, o lea ua iai le igoa o Lufilufi i totonu o le lisi o falema’i ua fa’atulaga e tatau ona ‘amata i le nei tausaga le galuega ma ua toe lava o le pa’ō o le samala ona amata loa lea o le galuega.


“Toe a ‘o le pa’ō o le samala, lau afioga i le fofoga fetalai ua uma ona fa’atulaga le kalena o galuega”.


O isi itumalo na momoli o latou mana’oga mo le fausiaina o falema’i aua tagatanuu o le atunuu e aofia ai ma Fagaloa i le itumalo o Va’a Fonoti.


O le aso 30 Ianuari 2024 o le ‘a toe fa’aauauina ai le fonotaga a le Palemene.


238 views
bottom of page