top of page

Toe fa'afou le feagaiga a Samoa ma Niu Sila.

Photography by Oscar Mose/Blutv.



Ua toe sainia le fa'afouga o le fesagaiga fa'apa'aga a Samoa ma Niu Sila e pei ona fa'ataunuuina i le taeao o le Aso Faraile 9 o Fepuari 2024 i le va o le Palemia o Samoa Hon Fiame Naomi Mata'afa ma le Sui Palemia o Niu Sila ia Vaovasamanaia Winston Peters.


O lenei feagaiga ua toe fa'amanino ma fa'amautu ai vaega ese'esee ave iai le fa'amuamua a atunuu e lua mo le umi e 5 tausaga.


O lo'o amana'ia fo'i i nei feagaiga le se tasi o maliega na sainia mo le Atina'e o Samoa 2021/22-2025/26, ma o taula'i i vaega ese'ese e pei o le tama'oaiga, atina'e tetele, fegaiga fa'aauau mo soifua manuia ma isi.


O le isi o itu ma le taula'i mamao ina suia se la'asaga e iai Samoa i le 2040, e pei o le fa'alelei atili o lona tama'oaiga, tupe maua ia fa'atupula'ia ma le ia mautinoa o ni avanoa e maua ai tagatanuu fa'amanuiaga ese'ese.


E afua atu i le masina o Fepuari 2024 ia Fepuari o le tausaga e 2028 ua fa'ata'oto ai se 'auivi o galuega fa'apa'aga o malo e lua.


Faigapa'aga- Amana'iaina o tagata ma talafa'asolopito ma fa'asoa le malamalama.

Puipuiga- Galulue fa'atasi mo saogalemu o le Pasefika.


Fa'amalosia nu'u- Lagolago auaunaga mana'omia e pei o, soifua maloloina, aoga ma feagaiga.

Fofo o fa'afitauli mo suiga o le tau.


Fa'aleleia atili o fefa'ataua'iga i le itulagi nei o le Pasefika.


O isi o galuega tetele ma poloketi o le 'a galulue soosootau'au ai Samoa ma Niu Sila, o le fesoasoani lea o Niu Sila i le taligamalo a Samoa i le CHOGM ia Oketopa o le tausaga lenei.


O isi o mata'upu o lo'o fa'aauauina pea talanoaga mo le taimi nei, o avanoa mo tagata Samoa e nofo mau ai i Niu Sila lea e pei ona iai le Polokalame o le Quota Scheme i tausaga ta'itasi.


384 views
bottom of page