top of page

Toe filifilia Filoi Eneliko e avea ma faiaoga lagolago mo le ‘au lakapi a tama’ita’I a le Brumbies.

By Lauano Demetrius Ah Mau.

Ua toe filifilia nei le susuga ia Filoi Eneliko e avea ma faiaoga lagolago mo le kalapu lakapi a Brumbies I le au a tama’ita’i. O le kalapu lakapi lea a le Brumbies sa galue ai Aloi I le tausaga ua te’a, I le avea ai o ia ma faiaoga lagolago. O lea la ua toe faailoa fa’alauaitele ma fa’asalalau le toe tofia ai e le komiti ma le laulauafono a Brumbies e avea ma faiaoga lagolago a’o sau I atu ai I ta’amilosaga lakapi o le nei tausaga.

E leo toe mamao ona amata faagasolo loa lea o le ta’amilosaga lakapi a tama’ita’i o le Super W Championship I totonu lava o Ausetalia.

O le susuga ia Filoi Eneliko ua leva ona galue I le atina’eina o le lakapi I totonu o le atunu’u, e ala I polokalame mo le atina’eina(rugby development program)o le ta’aloga lakapi I totonu o aoga faapea afioaga I tua. Sa galue fo’I I totonu o Iuni Lakapi I le tele o tausaga, ma o se Tasi o sui filifilia I le ‘au a tama’ita’i o le Manusina ma na mulia’i ai loa I le avea ma faiaoga lagolago i le Manusina.

E lua tausaga le umi o le tofiga ua tofia ai Filoi Eneliko e avea ma faiaoga lagolago mo le ‘au a tama’ita’I a le Brumbies.

370 views
bottom of page