top of page

Toe filifilia Tuna Tuitama i le Manu Samoa 7’s.


By Lauano Demetrius Ah Mau


O lea ua masi’i atu i Hong Kong le ‘au ta’ito’a fitu a Samoa le Manu Samoa Sevens mo le toe fa’aauauina o vae o le ta’amilosag ta’ito’a fitu a le lalolagi le HSPC Sevens o lo’o fa’agasolo le ta’amilo ai i le lalolagi.


O le aso Gafua aso 1 lea o le masina o Aperila sa tuua ai e le Manu Samoa 7’s eleele o Samoa ma agai atu ai mo le vae lea e faataunuuina i Hong Kong i le faaiuga o le vaiaso nei.


E tusa ai ma se pepa o fa’amatalaga o lo’o aumaia ai le lisi o ali’i ta’aalo ua filifilia mo lea foi taamilosaga, o lea ua toe filifilia ai e le susuga i le faiaoga ulu ia Fata Muliagatele Brian Lima le ali’i o Tuna Tuitama e taalo ai mo le vae i Hong Kong.


O Tuna Tuitama o se tasi o ali’i taalo faamoemoeina i le au ta’ito’a fitu a Samoa ao taalo ai i nisi o vae sa filifilia ai nai tausaga ua tuana’i ma sa taalo i le au lea sa siamupini ma manumalo ai i le vae i Hamilton i Niu Sila ma o le siamupini foi lena na tau iai le toe pa’i o Samoa i se siamupini talu mai le tausaga e 2016.


Sa filifilia mai Tuitama ao taalo i lalo o le fa’amalumaluga o le kalapu lakapi a Safotu, na fa’atula’i ese mai i le Manu Samoa 7’s ona o ni tulaga le ma’alofia, sa filifilia i le au tolegi a le Moana Pasefika ma e lei manuia ai taumafaiga a’o lea ua toe amanaia e le afioga ia Fata Muliagatele Brian Lima i lana ‘au a’o sauni ai mo Hong Kong i le faaiuga o le vaiaso nei.

872 views

Comments


bottom of page