Toe tofia e le Kapeneta Heseti Sione Vaai ma Ofisa Sili o le S.L.A.C

By Lauano Demetrius Ah Mau.

Ua fa’asalalau faalauaitele nei e le malo e tusa ma i’ugafono o fonotaga faa kapeneta le toe filifilia ai o le tinā ia Heseti Sione Vaai e na te tauaveina tofiga o le Ofisa Sili o Pulega mo le Faalapotopotoga o Inisiua Tau Soifua a Samoa(Samoa Life Assurance Corporation) I le umi e tolu tausaga.

O le faletua ia Heseti ua silia male 30 tausaga o lana tautua i le malo, e 6 tausaga na amata galue mai ai i le ofisa sue tusi ale malo amata mai i le tausaga 1991. Na fa’aauau lana tautua I le Pulega o Suāvai(Samoa Water Authority) ma galue ai ile umi e 23 tausaga, mulia’i ai loa le tofia ai e avea ma Ofisa Sili mo le S.L.A.C I le tausaga e 2020.

Sa a’oa’oina i le Kolisi o Samoa, o le Iunivesite Aoao o Samoa (N.U.S.), ma o lo’o ia umia fa’ailoa tauāloa o le Bachelor of Arts; Majoring in Accounting & Financial Management & Minor in Economics mai le Iunivesite a le Pasefika i Saute i Fiti fa’apea ai ma le Diploma in Business mai le Iunivesite o Feso’otā’iga a Aukilani i Niu Sila.

E le fou ia Heseti le seei mai ai I lenei tofiga ma tiute fa’a Ofisa Sili aemaise ai o ia lea sa tauaveina lenei togfiga I tausaga ua mavae, ma o le faletua ia Heseti ua toe filifilia e le Kapenata mai i le to’a ono o I latou sa apalai mo lea avanoa.

O le lua ai lea o paeā’iga soso’o ta’itolu tausaga a Heseti i lenei tofiga tāua o le Mālō.