Ua toe tofia nei e le kapeneta le sa avea muamua ma ofisa sili o Pulega o le Fa'alapotopotoga Fa'avae Tau Fatuga'o a Samoa le afioga ia Motoalii Mulipola Roger Hazelman e toe fa'aauauina nei tofiga e pei ona ia tauaveina i tausaga ua mavae.
Ua atoa ai nei le 16 tausaga talu ona tauaveina e Motoalii lenei tofiga o le ofisa sili mo le Pulega o le Faalapotopotoga Fa'avae Tau Fatuga'o a Samoa po'o le Samoa National kidney Foundation. O le tausaga e 2008 sa muai tofia ai e le kapeneta e tauaveina lenei tofiga seia oo mai i le tausaga nei ma o lea ua toe ave iai le fa'atuatuaga a le kapeneta ma le malo o lo'o iai i le taimi i lenei tamali'i e toe fa'aauauina lenei tofiga i lenei fo'i fa'alapotopotoga taua tele a le malo.
O Motoalii Mulipola Roger Hazelman o lo'o umia ni fa'ailoga taualoa e aofia ai le Bachlor of Arts in Management ma ua lava lona silafia i le fa'atinoina ole galuega ma le fa'atonutonu folauina o lenei fpo'i fa'alapotopotoga.
E tolu tausaga le umi o le a toe tauaveina ai e Motoalii le tofiga o le avea ma ofisa sili o le Pulega o le Fa'apotopotoga Fa'avae Tau Fatuga'o a Samoa.
Comments