Toe tolopō ia Iuni le iloiloina o le talosaga a Leauva'a e faasaga ia Afega ona o le lē usita'ia o poloaiga a le Faamasinoga.

O le aso ananafi na tauaofia ai le fa'amasinoga i le Mata'upu a Afega ma Leauvaa e uiga i fanua.

O le aso Lulu 22 Me 2024 na tu'u e iloiloina ai le talosaga a Le auva'a e tusa o le lē usita'ia e Afega o aiaiga o le Poloa'iga a le Faamasinoga Maualuga ina ia tāofi lë tumau ai galuega a Afega, ae peitai ua toe tolo atu i le masina fou o Iuni ona na faailoa e le Faamasino Sili o lea ua iai le Talosaga Afega e aveesea le poloaiga a le Faamasinoga Maualuga e taofia ai le faaauauina o galuega i luga o latou fanua.

Peitai o lea foi na Toe faailo e le loia a Leauvaa, ia le lē usuta'ia ai e Afega o aiaiga o lea poloaiga, ma ua faatonuina ai e le Faamasino Sili ia Satiu Simativa Perese le loia ina ia faaoo atu le tali tusitusia e tusa o le talosaga a Afega aemaise o rali tusitusia i tuuaiga fou ua faailoa.