Tofia le sā avea ma Pule o le NUS avea ma Ofisa sili o le Soifua Maloloina.

Novema 30, 2022

Dr. Aiono Alec Ekeroma.

Ua faamaonia mai foi i se pepa o faamataga le tofia ai e le Kapeneta, o le afioga i le ali’i Polōfesa Aiono Dr. Alec Ekeroma ma Ofisa Sili fou mo le Matāgaluega o le Soifua Mālōlōina (M.O.H.).

O Dr Ekeroma o lo'o avea nei ma faauluuluga o le Iunivesite Aoao o Samoa ae peitai o lea ua tofia ma filifilia nei o le faauluuluga o le Matagaluega o le Soifua Maloloina.

I se pepa o faamatalaga mai i le ofisa o Sooupu a le Mālō i lenei afiafi.

"O lenei tamāli’i o le atunu’u, o lo’o ia umia fa’ailoga tauāloa o le PHD in Building Health Research and Capacity of Clinicians mai le Iunivesite a Aukilani i Niu Sila, fa’atasi ma le MBA Health Management and Planning mai le Iunivesite a Keele i Peretania Tele."

Sa fa’au’uina fo’i mai le Iunivesite a Aukilani i le fa’ailoga tauāloa o le Tipiloma in Obs, Obstetrics ma le Gynecology.

E tele auaunaga tau soifua mālōlōina sa tautua ai lenei tamāli’i o Samoa amata mai i le tausaga e 1986 fa’apea ai lona tofiga o lo’o tautua ai i le taimi nei, o le Ofisa Sili o Pulega (Vice -Chancellor) mo le Iunivesite Aoao o Samoa (N.U.S.)."

O le afioga ia Dr Ekeroma ua ia tauaveina nei lea tofiga e pei ona sa tauaveina e le afioga ia Leausa Dr Take Naseri lea ua mālōlō ina ua maea lana Konekarate i lenei tausaga.

E tolu tausaga o lenei tofiga.