top of page

Tofia tama'ita'i loia tuto'atasi e iloiloina le matā'upu a Feagia'i Taufao.

28 Oketopa 2022


O lo'o finauina i luma o le fa'amasinoga le matā'upu 'a se tinā mai Amerika ua mōlia nei i lona faia o fa'asalalauga e fa'aleaga ai le ta'uleleia o le vaega fa'aupufai a le Fa'atuatua i le Atua Samoa ua Tasi aemaise o lona taufa'amata'u i nisi o Minisitā o le Kapeneta.


O le tinā lenei o Feagia'i Taufao, sa ia fa'aaogaina le ‘upega o fa'amatalaga le Facebook e fa'aali ai sana tete'e i le vaega fa'a'upufai ‘a le F.A.S.T e aunoa mani fa'amaoniga.


O le malaga mai ai i Sāmoa i fa'amoemoe fa'ale'aiga na maua ai ma le avanoa e fa'aulu ai se tagi e fa'asaga ia te ia ma taofia ai loa e leoleo, ma o lea la ua fa'agasolo ai nei tōlaulauga o lana fa'amasinoga.


O le matāupu a Feagia'i sa feagai ma leoleo, ae peita'i o lea ua fa'ase'e atu nei i le Ofisa o le Lōia Sili a le mālō mo le fa'atautaia.


O le tama'ita'i loia ia Leinafo Taimalelagi ua filifilia ai nei ‘e le Lōia Sili e na te iloiloina lenei matā'upu.


O le aso lenei 28 o Oketopa o le'ā toe vala'auina ai lenei matā’upu ile fa'amasinoga.



1,059 views
bottom of page