Sam Su'a i le fale Fa'amasino/ Photography by Oscar Mose| Blutv.
O le taeao nei na toe valaauina ai luma o le Faamasinoga Faaitūmālō i Mulinuu le matā'upu o le Talosaga a le susuga ia Sam Su'a poo Fauena Leautuli Toese Sua poo Sam Simiko, e tatala i tua ma le potu taofia i Tanumalala ona o ni isi o tulaga i lona soifua mālōlōina.
O le vaiaso na te'a, na tuuina atu ai se talosaga a Sam e tauala atu i ana lōia ina ia fa'asee ese mai le potu na taofia muamua ai, ona o ni fa'amata'u a isi pagotā ia te ia.
Sa talia e le fa'amasinoga lenā talosaga, ma faatonuina ai le faasee atu o Sam e taofia i le potu mo tupulaga talavou faatasi ai ma le siaki ta'i itulā e se malu o le mālō i Tanumalala.
O Sam na taofia mai i le Fogafale 6 i Tamaligi e leoleo faatasi ma ni isi o tamaitai e toalua i le lua vaiaso talu ai.
I le faamasinoga o le vaiaso na te'a, na tā'ua ai e le lōia a Sam i le Faamasino, sa ia le fuafuaga e fai se fa'ata(CT Scan) a Sam i le Aso Lulu e fua i se fautuaga a le foma'i ona o ni aafiaga i lona fofoga(taliga).
Ma sa faatonuina ai e le Faamasinoga, e tatau ona iai ma se leoleo e agai faatasi ma Sam i le falema'i.
Na toe tolopō mai lea i le taeao nei mo le valaauina o le talosaga e tatala i tua ma le potu taofia ao talia lona faamasinoga i le Aso 20 o Fepuari 2024.
I le faamasinoga i le taeao nei, ua toe tolopō ai nei i le Aso Tofi nei i le 12:30pm i le aoauli e toe valaau ai le mataupu i lana talosaga.
Na faailoa foi le tetee o le itū a leoleo i le talosaga e tatala Sam i tua. Aepeitai na talosaga lōia a Sam e mo'omia ona fai le fa'ata (CT scan) a Sam auā ole i'uga ole fa'ata (scan) e fua iai lana talosaga(bail application.
O le ala lea ua toe tolo ai, ae sei agai le itū a Sam e faatino le fa'ata(scan) poo le ā le vave e fai ai.
Sam tumau i le Atua ma le faatuatua, o lena e te sefe i le vaaiga o oe e Malu a le Malo faamaoni o loo galulue ma e le tuulafoaina oe e le silafaga a le Atua. Atonu o loo silafia pe tau iite le Faamasino o loo i ai nisi o lamatiaina lou ola I fafo. God bless all the honest people who are handling your case Same Sue ai le faamaoni a le Atua and will bring closure to the family.