top of page

Tolu matāti'a fou mo le Oceania na fa'atūina e alo si'isi'i u'amea a Sāmoa.

30 Novema 2022.


O le 'au si'isi'i u'amea mamafa a Samoa e to'alua sa o la'ua fa'atuina ni matati'a fou o lea ta'aloaga a le Oceania o lo'o faia i Mt Maunganui i Niu Sila.


O le ali'i o Don Opeloge sa pine auro i ta’aloga a taupulega i le tausaga nei i le vaega o le 96kg sa ia fa'atuina ni matati'a e tolu; e 160 lana si'i malele po'o le snatch , 207 o lana si'i malolo po'o le clean and jerk, i le aofa'iga o lana si'i e 367kg le mamafa.


O le tama'ita'i o Feagaiga Stowers na pine siliva i ta'aloga i le vaega o tama'ita'i i ta'aloga a malo o le taupulega i le tausaga lenei na ia fa'atuina le matati'a o le 158kg o le si'i ma malolo (clean and jerk) i le vaega mo tama'ita'i.


O John Tafi sa manumalo i le vaega o le 73kg ma sa ia fa'atuina ai se matati'a fou o le Oceania i le vaega o tupulaga i le 130kg le mamafa o lana si'i.


Ae i le vaega lava o tupulaga talavou o ali'i i le vaega o le 80kg sa manumalo ai le alii o Tovio Ah Tong i lona fa'atuina o se isi matati'a mo ta'aloga a le Oceania i le 140kg o lana si'i i le Clean and Jerk.


Ae o Avatu Opeloge na manumalo i le vaega o le 76kg ma Faustina Opeloge sa tulaga lua i le vaega sinia o tamaita'i talavou i le 81kg.


Na fa'aalia e le faia'oga a le au si'isi'i u'amea ia Tuaopepe Jerry Wallwork o se tulaga matagofie na iai taumafaiga a alo ma fanau e taualauga ai tauvaga si'isi'i u'amea mamafa i lenei tausaga 2022.


43 views

Comments


bottom of page