top of page

Tolu tausaga o le atali'i o le'ā ta'ita'ia le SAVALI MO LE OLA.

11 Novema 2022.



O le Aso To’onai nei, 12 o Novema, o le'a faia se savali ua fa'aigoina o le SAVALI MO LE OLA lea na tu'ufa'atasia e le Peresetene o le Faalapotopotoga o Tupulaga Talavou a le Logopuialii Samoa (LSYO).


O le 'auga o lenei fa'amoemoe o le lagolago lea i tagata ma so'o se isi ua feagai ma faigata po'o fa'afitauli ma 'ua iai i se lalolagi Pogisa ma iai lona fa'amoemoe e pule i le ola. O fa'amaumauga lata mai o lo'o fa'ailoa mai ai o lo'o fa'atupula'ia le fua o le pule i le ola, aemaise lava i tama.


Na saunoa le taitai o lea fa'amoemoe po'o le Peresetene o le LSYO ia Nah Folasa, o le WALK FOR LIFE o loo taumafai e unaia tino maloloina, mafaufau maloloina ma faamama le tiga o le atuatuvale e ono taitai atu ai nisi tagata e mafaufau e pule i le ola.


O Nah Folasa o lo’o galue nei o se tusitala i le auaunaga fa’asalalau a le Bluwave TV, ma o se tulaga ua ia iloa fo’i i le tele o taimi e lipotiina ai nei mata’upu Pule i le Ola, o se tulaga e fa’anoanoa ai ona o le talavou o alo ma fanau o lo’o ma’imau soifua i nei mafua’aga.


O le ‘a amatalia lea faamoemoe i le Uati a le Taulaga i le 6am ma faasolo atu ai i le Beach Road ma le gataifale e faaiuina i Mulinuu.


O lo'o tatala lava le avanoa mo so'o se isi e fia 'auai, e mafai ona tamomo'e, savali, ti'eti'e uila pe fai lava soo se auala e mafai ai ona taunuu i le tini i Mulinu'u.


E o'o lava i ta'avale fa'atau(Kololi) o le a fa'atagaina!


O se fa'amoemoe pe o se fa'atasiga a se 'aiga e tasi. E le o se sailiga tupe ma e leai se totogi e lesitala ai. E pau lava le tulaga ia 'aua e lagolago lenei fa'amoemoe ma ia tu'u atu se fe'au pito sili ona faigofie mo e o lo'o i se lalolagi pogisa o fa'afitauli.

Mo Nah Folasa , o se fa'amoemoe pito sili ona taua lea, ona o lea savaliga o le 'a ta’ita’ia e lona atali’i e 3 tausaga le matua o Vagai Benji aemaise ai o le fa’amanatuina o lona 27 tausaga.


O le ta’imua ai lea o se alo nao le tolu tausaga le matua ia Vagai Benji Folasā ile nei solo e fafaguina ai foi lagona ole le faatulagaina o ni tausaga e agavaa ai se tasi ile avea ma sulu e pupula atu i se lalolagi ua faapogisaina e faafitauli ma faaiuga e faavae i luga ole ita.


E iai le talitonuga o le faatonu ole polokalame a lelei ona faamasani fanau i faatinoga nei, e avea latou ma amepasa i faataitaiga lelei ile lumanai.


359 views

Comentarios


bottom of page