top of page

Tu'ua le malo e se tasi o laui'a o a'oa'oga le Iunivesite Aoao o Samoa.

17 Novema 2022

Dr. Alo Silia (Left) Location: PHD Graduation, Victoria University

E faigata ona galo i loto o fanau ma so'o se tamali'i Samoa na aoga iai le tina foma'i o a'oa'o i le Iunivesite Aoao o Samoa ina ua maua tala, ua fai i lagi lana folauga i le vaiaso ua tuana'i.


O le tina faia'oga ia Dr Alo Silia Pausisi Finau, o se tasi lenei o tina faia'oga i le Iunivesite Aoao o Samoa 'ese le fa'agalogata i mafaufau o fanau na fa'amanuiaina mai latou taumafai ona o ana a'oa'oga.


Na molimauina i luga o upega o fa'amatalaga tusitusiga ma fa'amaisega a alo ma fanau o Samoa i le misia ai o lenei tina faia'oga i le Iunivesite o Samoa.


E tele lava se sao o le tina ia Silia i le matimati ina o le soifua a'oga o fanau aemaise ai o le matata tau i a'oa'oga po'o le a'oga fa'afaia'oga i le Papa i Galagala.


Na fa'au'u mai le tina ia Dr Alo Silia mai i le Iunivesite o Victoria i Niu Sila i fa'ailoga o le P.H.D o le Fa'afilosifia i le tausaga e 2017.


E maliu Pa'usisi ua silia ma le 40 o lana tautua galue i le malo o Samoa i le galuega fa'afaia'oga. Na amata mai le soifua tautua fa'afaia'oga i a'oga tulagalua ma e nate ta'u lava fanau a'oga o lana lava fanau.


E maliu le tina ia Silia, o lo'o fa'auluulu iai le vaega o A'oga Fa'afaia'oga(Faculty of Education).


E momoli atu ai fa’amaisega i ‘aiga fa’anoanoa ona o le toesea o le tina i o latou ‘aiga.

2,198 views

Comments


bottom of page