top of page

Tusi Tuila'epa i le Fofoga Fetalai e fa'agafua nofoa o Faleata 4 ma Si'umu.

7 Oketopa 2022


I le mavae ai o le fofogaina o le fa'amavaega aloa'ia a le faipule o Faleata 4 ia Ale Vena Ale ma le faipule o Si'umu ia Tu'u'u Anasi'i Leota i le vaiaso na te'a nei. Na tusi ai le ta'ita'i o le vaega fa'aupufai e Puipuia Aia Tatau a Tagata le H.R.P.P ia Tuila'epa Sailele Malielegaoi i le afioga i le Fofoga Fetalai o le maota, ina ia fa'agafua nofoa mo le Itumalo fa'apalota o Faleata 4 ma Si'umu ae toe fo'i 'Ale Vena 'Ale ma Tu'u'u Anasi'i Leota. O sui faipule o nei itumalo e toe fai le faiga palota laitiiti e toe sa'ili mai ni isi sui.


I le fa'atalanoaga a le afioga i le Fofoga Fetalai ma se tasi o Kamupani Fa'asalalau le Radio Polynesia, ua fa'ailoa mai ai e le Fofoga Fetalai.


O le fa'amavae mai o sui nei e to'alua, e le'o fa'amavae mai ma le palemene o lae lava e fa'amavae ma i le vaega Fa'aupufai sa iai.


Na ta'ua fo'i e le Fofoga Fetalai ia Papali'i Li'o Ta'eu Masepa'u, ua na'o le Fa'amasinoga e mafai ona aumai le fa'ai'uga e fa'atatau i le latou fo'i fa'auigaina o le tulafono.


O le fa'amavae mai ai o Ale Vena Ale ma Tu'u'u Anasi'i Leota, ua aga'i atu ai i la'ua e tuto'atasi ma o le'a talia foi se isi gaioiga a le vaega fa'aupufai e Puipuia Aia Tatau a tagata.


O lo'o ua talia ai nei se taimi o le'a tali mai ai le afioga le Fofoga Fetalai o le maota e tusa ma lenei mata'upu.


1,175 views

Comments


bottom of page