top of page

Ua lē manuia le ta'aloga muamua a le Toa Samoa i le taamilosaga o le Pacific Champiomship 2023.

I le mavae o le tausaga talu ona māe'a taaloga o le Ipu o le Lalolagi o le lakapī liki, o le taimi mulimuli lea na ta'a'alo ai le Kangaroos ma le Toa Samoa ina ua la sailia le siamupini i le finals. O le afiafi nei lea ua amatalia ai taaloga o le Pacific Championship o loo faia i Queensland Ausetalia le taaloga a le Toa Samoa ma Kangaroos.


E ui i le mālosi o le finau atu a le Toa Samoa i le taaloga ma Ausetalia i le afiafi nei, aepeita'i e le'i manuia ana taumafaiga ina ua toe malolo ai foi i 'ai e .


O minute amata o le ta'aloga na va'aia ai osofa'iga malolosi a le Toa Samoa ae talitali mai le Kangaroos.


O le 10 minute muamua ae maua le ulua'i sikoa a Ausetalia, ma sa fa'afaigatā le finauga i le 'afa muamua ina ua sosoo sikoa a le Kangaroos ma e uma le 40 minute muamua ua 28 i le 6 a le Toa Samoa.


O le alii o Murray na ia mauaina le uluai sikoa mo le Toa Samoa ma le kiki i le pou na ova lea sa kikiina e Stephen Crichton.


O se taaloga finau pe 'a fua iai i minute e 80, ma o le māe'a o le taaloga na manumālō ai Ausetalia i 'ai e 38 i le 12 mai i sikoa e 7 ae lua sikoa a le Toa Samoa.


O le isi taaloga a le Toa Samoa o le 'ā taaalo ai ma le KIWI a Niu Sila i le vaiaso fou.



Comments


bottom of page