Ua le tatau loa ona fausia auala savali mo le puipuiga o le mamalu o le atunuu?

Children walking on footpath - Image Auckland Council

Faʻamata ua le tatau loa i le tatou Mālō ona silasila i le fausiaina o auala savali simā (footpaths) mo le atunuʻu atoa? Ua tele tausaga ma tupe ua alu i le faiga o le auala tele mo taʻavale afi ae faʻafefea se auala savali mo e leai ni taʻavale? faʻafefea alo ma fanau o loʻo tausavavali i le aoga, lotu, faiga faatau?

E le gata e saogalēmū ai tatou o loʻo savavali i luga ole auala, ae aogā foi mo tatou tagata o loʻo faaogaina nofoa fa'atavalevale (wheelchairs) ma tagata matutua.

Ua tele faʻalavelave tau taʻavale ua maliliu pe fa'amanuʻalia ai tatou tagata, ua tatau ai loa ona fai se fuafuaga auā le puipuiga lautele ma le alu agai i luma o le tatou atunuu i tūlaga tau atinaʻe ma le puipuiga.

O nisi ia o tulaga tāua, e tatau ai ona fai ni auala simā i le atunuu atoa.

• O le vavae mai lea o tagata savavali ma taʻavale afi.

• E fa'aitiitia ai fa'alavelave fa'afuase'i aemaise lava i nofoaga e pisi ai le feoai o ta'avale afi.

• Saogalemu o Tagata mai ave taavale lē mafaufau

• Avanoa tutusa mo tagata e iai a'afiaga tūmau o le soifua, e aofia ai i latou o lo'o fa'aogaina Wheelchairs, tagata savavali ma tagata matutua,e mafai ona puipui ma saogalemu.

• O ala savali e tāua tele mo le saogalemu o tamaiti o loʻo savavali i le aʻoga, po'o le o foi e fai faatau ma maua ai se avanoa faʻapitoa e mamao ese mai feoa'iga o taavale.

O le faia o auala savali faapitoa mo le mamalu o le atunuʻu e telē lona sao tāua i le faʻamautinoaina o le saogalēmū o tagata savavali e ala mai i le faʻaitiitia o lamatiaga mai faʻalavelave tau taavale afi.