Las Vegas, Nevada - Ua molia ma falepuipui se alii e igoa ia Duane “Keffe D” Davis mo le faʻaoo lea o le maliu i se tasi o tama pese lauiloa ma taʻutaʻua, e suafa ia Tupac Shakur i le 1996, Las Vegas, Amerika.
O Tupac Shakur o se alii pese poʻo rapper ua silia ma le 75 miliona tagata ua faʻatauina lona musika, E ui lava na maliu lea tama pese i le 1996, e oʻo mai lava i le 2023 o loʻo faalogologo pea le toʻatele aemaise tupulaga faimai i ona pese.
O le aso 7 Setema, 1996, sa ai Tupac i totonu o se taʻavale ma lana Pule, le alii o Suge Knight ma o loʻo fai malaga atu laua i se koneseti i le isi itu o Las Vegas o loʻo faatalia mai ai Tupac i lea afiafi.
O se lipoti mai le ofisa o leoleo i Las Vegas, Nevada e faapea o le 11:15pm i le po, sa tū ai le taavale o loʻo i ai Tupac ma lana Pule, i mōlī ae oʻo atu loa ma se taavale paʻepaʻe o loʻo iai le alii o Duane “Keffe D” Davis ma lona tausoga lea sa faʻaaogāina se upega malosi (Fana) ma faʻaoo le oti ia Tupac.
Ua 27 nei tausaga talu na maliu Tupac, ae ua avea le faʻatalanoaina o le alii Duane i luga o isi pokalame i isi fale faʻasalalau i Amerika ma sa ia tautino mai ai, o naia sa faatonuina ma faʻaoo le oti ia Tupac. Duane e 60 ona tausaga ma ua falepuipui nei.
O se ata faataitai le i le mea sa tupu i le po lea
Nisi ia o pese ua lauiloa ai Tupac Shakur
Comments