top of page

Ua tolu aso o sa'ilia le tama'ita'i 12 tausaga na misi mai ma lona 'aiga.




O lo'o tau sa'ilia nei e le Matagaluega o leoleo ma 'aiga o le tama'ita'i o Jolivette Sofara se nofoaga o lo'o iai o ia talu mai ona aluese mai lona 'aiga i le Aso Gafua 04 Tesema 2023 i le itula e 6pm i le afiafi aga'i atu i le 6:30pm.


Sa fa'ailoa ane e le 'aiga i le Ofisa o leoleo i Apia ma amata ai ona sa'ili leoleo aemasie o le tu'uina o le fa'asilasilaga i luga o upega o feso'ota'iga mo le silafia lautele.


E tusa o fa'amaumauga a le Matagaluega o leoleo, o le tama'itai o Jolivette ua 12 tausaga o le matua ma e aumau i le nu'u o Fagalii Tai.


Fa'asilasilaga a le Matagaluega o leoleo:

Ua talosagaina e le Matagaluega o Leoleo Falepuipui ma le Toefuata’iga le fesoasoani a le mamalu o le atunuu, i le sailia ai o se teineititi e igoa ia Jolivette Sofara po’o Luneta Sofara e iloa ai e le toatele, 12 tausaga mai le afioaga o Fagalii-tai.


O le taimi mulimuli na vaaaia ai lenei tamaitai e lona aiga, o le aso Gafua aso 04 Tesema 2023, i le 6:00pm i le afiafi agai 6:30pm.

Se tasi, na te silafia se faamatalaga, poo se nofoaga o lo’o iai lenei teineititi, fa’amolemole faafesootai vave ane se ofisa o Leoleo o latalata ane, po o le valaau mai foi i le numera o le telefoni 22222.



2,174 views

댓글


bottom of page