22 Novema 2022
Ua filifilia e le Moana Pasifika se ‘au e to‘a 38 tama ta'a'alo mai le 39 o tama taaalo o loo iai le Super Rugby i le latou tausaga amata i lea ta'amilosaga.
I le feiloa'iga a le 'au tusitala ma le Lakapi Samoa aemaise o le pulega i le taeao nei-Aso Lua 22 Novema 2022 ua fa'ailoa ai, e 26 tama taaalo o loo iai le tomai lakapi faavaomalo mo le Manu Samoa ma le 'Ikale Tahi.
O lenei 'au ua fili mo le nei tausaga i le Moana Pasefika ua filifili ai se ni isi o ali'i ta'alo ta'uta'ua a le Wallaby o Sekope Kepu ma Christian Leali'ifano ma o lea ua maua ai le fuainumera o tama ta'a'alo e to'a 28.
Ua fa'ailoa fo'i se tasi o ulua'i sui o a Samoa ua filifilia i lenei 'au, le susuga lea ia Miracle Fai'ilagi. Ua 23 tausaga le matua o le susuga ia Miracle, ma o se ta'amilosaga na faia i Fiti e fa'aigoaina o le World Rugby Pacific Combine lea na na fili mai ai loa ina e le Faiaoga Ulu o Aaron Mauger ma le Faiaoga o le laina i luma o Leota Filo Tiatia.
O le ta'amilosaga lea o le Combine e pei o se auala lea e mafai ai ona fai tama ta'a'alo a le Pasefika e fa'alauiloaina 'au a le PASEFIKA.
O le ‘au ta’aalo iloga mai Samoa, Tonga & Fiti na fa'atasitasi ia Setema o le tausaga lenei mo se vaiaso o toleniga malosi e fa’ata’ita’i ai le si’osi’omaga fa’apolofesa o le lakapi ua iai tama ta'a'alo..
Na auai le pulega ma le faiaoga a le Moana Pasifika i lea tu’ufa’atasiga ma le fa’amoemoe e mata'ituina ma fili mai ni tama ta’a’alo se to’alua e fa'amanuiaina lea i ni konekarate toleni mo le ta’amilosaga 2023.
Peita'i, nafa'amalieina le silasila a le Pulega ma Faia'oga i le taumafaiga a le susuga ia Fai'ilagi i lona malosi fa'aletino, atamai i taaloga ma le tomai fa'apolofesa ma o ina lea na fa'amanuiaina ai loa i se konekarate tumau.
Na matua fa'amalieina le ali'i faia'oga ma le pulega i le filifilia ai o Miracle i lenei 'au a le Pasefika ona o se talavou ta'alo malosi.
O Miracle Fai'ilagi na ola ma soifua, ma a'oga fo'i i le afioaga o Vailele, ma sa fa'afailele mai fo'i i lona nu'u lona olaga ta'alo.
Ua fa'ailoa fo'i e le pulega i le taeao nei le iai o le fa'amoemoe e faia mai i Samoa le ta'aloga a le Moana Pasefika i le aso 14 o Aperila o le tausaga fou-2023.
Comments