top of page

La'ei lanu moana uma Matagaluega ma Pisinisi mo le Toa Samoa.

Novema 18, 2022


PC: SWA


Ua molimauina i le Aso Faraile le tau fai la'ei lanu moana uma ai o Matagaluega a le Malo aemaise o Pisinisi ma fale faigaluega e fa'aali ai le lagolago mo le ta'aloga i le sa'iliga siamupini a le Toa Samoa i le vaveao o le Aso Sa.

O Matagaluega uma a le Malo ua fa'asalalauina i upega o fa'amatala le Facebook o latou moomooga alofa mo le Toa Samoa e ala lea i le fa'atinoina o le Siva Tau.

E o'o lava fo'i i Ofisa Sili o pulega o Matagaluega ta'itasi a si o tatou malo ua fa'aali lava le lagolago mo le tatou 'au lakapi liki.

O le tali mai fo'i a pulega nu'u ma itumalo, i fa'afeagaiga, o autalavou, Ekalesia e fa'apena fo'i i 'aiga i le lagolago ma le fa'amalosi'au i faiva o le tatou Toa Samoa.

O se va'aiga lea na gata mai i le tausaga e 2011 i le ipu o le lalolagi o lakapi Iuni ta'ito'a 15 lea fo'i na iai va'aiga fa'apenei i le lagolago a Samoa, e le gata o Samoa ae fa'apena ai fo'i ma so'o se tafa o Samoa i atunu'u e mamao.


O le afiafi o le aso lenei o le 'a faia ai se Siva Tau tele lava i luma o le fale o le malo, ae o le aso a Taeao o le'a fa'ataunu'uina ai le fa'amoemoe o le solo a ta'avale.

O le ta o le itula e 5am i le vaveao o le Aso Sa ole'a faia ai le ta'aloga lenei i le malae ta'alo i Manchester i Peretania.



65 views

Comentarios


bottom of page